原本都唔知﹐原來又有人撩交哎﹐仲要獲得「反共の達人」Uncle Ray青睞﹐又點可以唔賀一賀佢﹖

撩交哎我見得多﹐我自己撩交哎亦哎唔少﹐一眾花生友個個睇到不亦樂乎。過癮就過癮在﹐我未見過人撩交哎得咁鬼鼠...

真係唔開香檳慶祝﹐都唔得掂。

講開Uncle Ray呢個「反共の達人」﹐就唔可以翻叮Uncle Ray堆網上鬼鼠事跡啦﹖

最經典一次﹐莫過於fighting pheonix係刁民公園大戰Uncle Ray﹐我完全無插嘴情況底下﹐無叉叉封我做共產黨走狗一事啦!(詳情請睇《江湖逐客令3》)

呢壇野之後﹐我就已經發現一個真理﹐就係Uncle Ray雖然成日鬧共產黨﹐但係對於中共文革時期D紅衛兵絕招「扣帽子」﹐就學得非常通透。果一鑊﹐佢地開大片﹐我明明無份﹐事關復活節去wet﹐條契弟都可以係我唔在場情況下﹐係背後扣Q我帽子。如此神乎奇技﹐我真係甘拜下風啦﹖

第二鑊無咩人知﹐事關事件發生係來恩同grumpy個blog﹐小型衝突我又無謂提啦...

件事源於六四晚會支聯會鬧警察報細數﹐轉頭明報就有篇文話支聯會報大數﹐來恩轉載完篇文就執雞﹐話支聯會五十步笑百步...點知grumpy就話支聯會同警察作數﹐性質唔同﹐因為支聯會報大數可能基於“良好動機”﹐但警察報細數就有可能“動機不良”...如是者來恩就插返grumpy﹐話膠都費事比﹐我又搭嘴講兩句﹐認為唔應該用“動機”作為報大數籍口...

網上吹水事﹐原本諗住就此了結。之但係grumpy哥哥死心不息﹐又寫篇《報假數者應否受指責》繼續討論﹐仲去我個留言版﹐叫我睇完做回應。大佬﹐grumpy哥哥盛意權權撩我過去吹水﹐梗係比面啦﹖點知一過去﹐uncle Ray呢條契弟﹐又係度抽水...

條友無叉叉講﹕「這兒有一些人總是愛說長篇大論的歪理，行為以出位為目的，經常無禮的踩踏其他人，動不動便恥笑對方，以為自己好醒。建議你以候遇上這些人避之則吉。」

話我﹐唔係問題。插我﹐唔係問題。唔該﹐你唔好咁鬼鼠。你有種﹐指名道姓插我﹐你有料有道理﹐我自然比你駁到無聲出﹗條契弟自從係刁民公園比我插過佢「扣帽子」之後﹐懷恨在心﹐竟然係人地個blog執我雞﹐玩暗串﹖

暗串﹐都唔係問題呀﹖問題係明明係grumpy哥哥撩我過去吹水家嘛﹖又唔係我自己上去踩場﹖你都執我雞﹖契弟至此﹐真係唔帶uncle ray賞菊﹐都對唔住自己啦﹖

自此之後﹐既然Uncle Ray講到話要對我「避之則吉」啦﹖條友講野又來來去去三幅被﹐我又無龍陽之癖﹐對契弟興趣又唔大﹐所以我決定奉行「至老死不相往來」政策﹐唔挑uncle Ray(及其老母)機啦﹖

之但係﹐有D契弟真係你唔惹佢﹐佢來惹我!既然你屎忽痕﹐我就勉為其難﹐插你鑊勁﹐等你止痕止痒啦﹖

或者我應該話﹐一切都係《賀國慶》的錯!

其實我係sinablog寫《賀國慶》一刻﹐我已經預計到﹐會出事啦!

Dozy係自己個blog講到國慶果陣﹐問到︰「唔愛國有罪咩﹖」

不過﹐係香港情況應該掉轉問﹕「愛國有罪嘛﹖」

因為﹐我其實係《賀國慶》一文都講過﹐香港唔少人懼共或自稱反共﹐再加上左仔曾經搞過六七暴動﹐所以愛國就好似有罪一樣﹐講出來就會比人炳。

可惜﹐我文少從來唔怕比人嘈﹐比人剿﹐或者比人扣帽子。因為﹐相比起當年江湖D腥風血雨﹐網絡圍剿唔算咩一回事!

再講﹐個blog係我嘅﹐我自己有感而發﹐寫篇文過下手癮﹐干卿底事咩﹖我洗唔洗經你批准呀﹖你老幾呀﹖

你有咩諗法﹐關我叉事咩﹖你有第二套價值觀﹐第二套諗法﹐你咪係你個地盤吠飽佢囉﹖我洗唔洗就Q你呀﹖

點知一寫﹐就咁又出事…

我寫完﹐Dozy又講下《國慶﹐有幾慶》﹐不過大家都知Dozy份人幾理性﹐你有你諗法﹐我有我諗法﹐大家交換下意見﹐fine。

點叉知Uncle Ray唔知仲乜春﹐要插人好賀國慶﹐係乜春「為殺人正府歡呼的一群」﹐就燒埋我一疊!你要燒我﹐無問題呀﹖關鍵﹐需要鬼鬼鼠鼠咩﹖

大家如果係sinablog blogger都會知道﹐你link人篇文﹐link完之後﹐就會彈出「發送引用通知」版面﹐你可以選擇tick﹐或者唔tick。如果你tick完﹐而對方又係sinablog blogger﹐你篇文右下角「引用」一欄﹐就會有個數字。你click入去﹐你就會知邊個sinablog blogger引用你篇文啦﹖

問題係﹐Uncle Ray插我﹐link我篇文﹐但點解我篇《賀國慶》右下角「引用」一欄﹐會無顯示呢﹖

答案﹐只得一個!就係有條契弟﹐link我篇文﹐但係「發送引用通知」版面﹐蓄意唔tick我﹗等我唔知條契弟插我。

好明顯﹐就係uncle Ray條契弟知道﹐如果佢吠我﹐我一定串Q爆佢。不過﹐為uncle Ray嘅「反共大業」﹐《賀國慶》一文簡直係文少做「中共走狗」鐵證﹗

佢即使明明知道我唔好惹﹐應該「避之則吉」﹐但為求令其他人知道文少係「中共走狗」﹑「無良知」嘅真相﹐就決定自己屎忽插到開花嘅危險﹐都要鬼鬼鼠鼠插返鑊文少勁啦﹖

好可惜﹐百密一疏﹐uncle Ray怒插「中共走狗」一事﹐惹來人家抗議﹐Chris老師諗住解話﹐寫咗篇《兩種「引用」》﹐就咁又比我知道﹐原來uncle Ray又係度做契弟!

我呢﹐先唔會好似有人批評﹐話uncle Ray搞乜春文革式批鬥啦﹖黨同伐異係人類常態﹐唔啱聽就炳對方﹐亦係非常正常!重點從來都係﹐男人老狗﹐明人不做暗事﹗

excuse me﹐你要插我﹐我篇文任你留言﹐你插到我出水都無問題﹐小孖拆蟹都OK﹗成篇文﹐幾十個留言都係講講下國慶﹐就講到愛國係咪要愛黨個問題...你唔Q插﹖平日又死狗一樣﹐睇完我個blog﹐連吠都唔敢吠﹖

你要吠﹐唔敢係我個blog吠﹐驚我好似某類契弟一樣﹐落閘放狗落逐客令﹐fine﹗你要死返你個狗竇度吠﹐無問題﹐但係﹐之但係﹐你link我﹐點解要唔tick「發送引用通知」呢﹖你拗乜春啦﹖你算乜諗野態度呢﹖

鬼鼠成咁﹐仲同我講良知﹖你不如話你自己無何B好過啦!

最後﹐我買一百萬﹐Uncle Ray比我插完﹐之後會粒聲唔出扮死狗﹐亦唔會為自己鬼鼠蓄意唔tick「發送引用通知」一事道歉!

因為﹐死狗﹐係永遠無可能唔食屎ga!